Plantun de Prouvènço

Pèr coumpara dos planto d'encò nostre

Orobanche pubescens & Mentha suaveolens

Orobanche pubescens

Orobanchaceae

Nom en français : Orobanche pubescente.

Descripcioun :
Aquesto erbo-de-taurèu raro, trachis dins li garrigo duberto e li tepiero roucaiouso pas trop liuen de la mar. Parasito souvènt la cardello-bousselado, Sonchus bulbosus e Glebionis segetum (coume eici). Èi proche de Orobanche minor, pamens se n'en destrìo que se flour soun roso e quèi proun peludo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 15 à 22 mm
Flourido : Printèms

Sòu : Ca
Autour basso e auto : 0 à 400 m
Aparado : Noun
Remarco : Planto de coustiero
Abriéu à mai

Liò : Garrigo - Tepiero roucaiouso
Estànci : Mesoumediterran
Couroulougi : Mediterrano
Ref. sc. : Orobanche pubescens d'Urv., 1822

Mentastre

Mentha suaveolens

Lamiaceae Labiaceae

Àutri noum : Baume-fèr, Mento-sóuvajo.

Noms en français : Menthe à feuilles rondes, Menthe odorante.

Descripcioun :
Lou mentastre es uno mento coumuno dins quàsi touto la Prouvènço. Se recounèis à sis lònguis espigo de flour blanco que viron au brun e peréu à si fueio quasimen redouno e goufrado.

Usanço :
Coume tóuti li mento, èi manjadis cru (ensalado, soupo, dessert, bevendo..) o en tisano. Ei counseia de pas trop faire caufa la tisano de mentastre que soun essènci èi voulatiéu. La mento èi vertuouso pèr digeri, sougna li plago e pèr faire fugi la tavaniho.